KAMPENI YA UHAMASISHAJI ULIPAJI KODI YA PANGO LA ARDHI

Posted On: 17^th August, 2016

WIZARA YA ARDHI KATIKA KAMPENI YA UHAMASISHAJI WA KULIPA KODI YA PANGO LA ARDHI NA UTOAJI WA ELIMU YA SEKTA YA ARDHI

Serikali ya awamu ya tano ya Mheshimiwa Rais John pombe Magufuli imetangaza mabadiliko makubwa yanayolenga kuongeza ufanisi wa ukusanyaji wa mapato na kodi mbalimbali kwa maendeleo ya Taifa letu.

Kutokana na azma hiyo, Wizara ya Ardhi Nyumba na Maendeleo ya Makazi inalo jukumu la kukusanya kodi ya pango la ardhi ambayo inatozwa kwa wamiliki wa viwanja na mashamba yaliyopimwa na kumilikishwa kisheria.

Kitengo cha Mawasiliano Serikalini kwa kushirikiana na Kitengo cha kodi katika Wizara ya Ardhi Nyumba na Maendeleo ya Makazi kimefanya kampeni maalumu ya uhamasishaji wananchi kulipa kodi ya pango la ardhi na utoaji wa elimu ya sekta ya ardhi.

Kampeni hii ilifanywa jijini Dar es salaam katika Manispaa za Ilala, Kinondoni na Temeke ambapo wananchi walifikiwa moja kwa moja na kupewa vipeperushi na stika za kubandika katika magari, Bajaji na vyombo vingine vya moto na hata katika nyumba na maduka.

Elimu ilitolewa kwa wananchi kuhusu ulipaji wa kodi ya Pango la Ardhi ambayo hulipwa katika halmashauri zote nchini na katika kituo cha makusanyo cha Wizara ya Ardhi, Nyumba na Maendeleo ya Makazi.

Wananchi katika maeneo ya Temeke wakihamasika kuchukua vipeperushi mbalimbali vya wizara, wakati wa Kampeni ya kuhamasisha ulipaji wa kodi ya pango la Ardhi. Ndani ya gari ni kikundi cha Fataki, ambacho kimeshiriki katika kutoa elimu hiyo kwa njia ya mashairi. Uhamasishaji huo umefanyika katika wilaya tatu za Dar es Salaam (Ilala, Temeke na Kinondoni).

Mkuu wa Kitengo cha Mawasiliano wa Wizara ya Ardhi, Nyumba na maendeleo ya Makazi, Mboza Lwandiko akiwagawia vipeperushi wakazi wa Mbagala, katika uwanja wa Zakhem, wakati wa Kampeni ya uhamasishaji wa kulipa kodi ya pango la ardhi. Uhamasishaji huo umefanyika katika wilaya tatu za Dar es Salaam ( Ilala, Temeke na Kinondoni).

Afisa Habari wa Wizara ya Ardhi, Nyumba na maendeleo ya Makazi, Rehema Isango akiwagawia vipeperushi wakazi wa Mbagala, wakati wa Kampeni ya uhamasishaji wa kulipa kodi ya pango la ardhi. Uhamasishaji huo umefanyika katika wilaya tatu za Dar es Salaam (Ilala, Temeke na Kinondoni).

Rahma Moyo, kutoka Kitengo cha Mawasiliano Serikalini cha Wizara ya Ardhi akibandika stika yenye ujumbe wa kuhamashisha ulipaji wa kodi ya pango la Ardhi, kwenye gari la mmoja wa wakazi wa Dar es Salaam, wakati wa Kampeni ya uhamasishaji wa ulipaji wa kodi ya pango la Ardhi.